Hausttur for Venelaget Olav H. Hauge

 til Ulvik,  6. - 8. oktober 2017 - Haustingstid

Styret i Venelaget vil gjerne utvida tilbodet til  medlemene. Vi inviterer med dette medlemene til å vere med på helgetur til Ulvik 6. - 8. oktober.

Det endelege programmet er ikkje klart, men ei skisse vil vera:

Fredag 6. oktober i Ulvik

%B7      Omvising på Haugesenteret.

%B7      Litterær festkveld på Haugesenteret med Agnes Ravatn og Einar Økland. Den grøne kafe kl. 20. Den einskilde lyt kjøpa billettar sjølv. Gå inn på heimesida til Haugesenteret.

Laurdag 7. oktober

%B7      Tur til Hakestad og Rossvoll. Omvising.

%B7      Tur til Siderruta - fruktslepp og haustingstid.

%B7      Kveldsarrangement med mat, drikke og kultur saman med Siderruta.

Søndag 8.oktober

%B7      Tur og omvising - ikkje fastlagd.

Nokre medlemer har kort veg, medan andre har lengre reise. Det er ikkje lagt opp til felles reise til Ulvik. Programmet startar ikkje før om ettermiddagen fredag , så ein rekk dit frå mange avreisestader.

Mange vil trenga overnatting, og vi har kontakta hotell, og det er rom og pristilbod på:

Hotell Brakanes  www.brakanes-hotel.no. Pris enkeltrom m frokost per natt kr 1250,-

telefon 56 52 61 05 epost  brakanes@bhghardanger.no

Hardanger Gjestehus. www.hardangergjestehus.no

Pris enkeltrom pr natt m frokost kr 900.- (pr person i dobbeltrom kr 750) telefon 90 65 62 06  og epost:  hardangergjestehus@gmail.com

Tanken er at den enkelte deltakar sjølv kontaktar hotella og tingar rom, og melder frå om at dette er ein tur i Venelagets regi.

For omvisingane og festmiddagen treng innbetaling frå medlemene, og dei som vil vera med, melder seg til leiar Olav Ljones.

 ola-lj@online.no

For dei som har sendt e-post-adressa si til styret, vil invitasjon bli sendt elektronisk. Vi vil og freista å nå medlemmane med SMS. Vi vil og informera på heimesida venelagethauge.no og Facebook.

Dette er ein tur for medlemene. Dei som ikkje har betalt medlemskap for 2017, kan betala 250 kr til bankgiro 3450 30 01960 v/ Anders K. Oppheim.

Påmelding til Olav Ljones: ola-lj@online.no

Olav H. Hauge i Hjeltnesskrifta

Olav H. Hauge var elev på Hjeltnes hagebruksskule 1929-30 og på tilleggskurset 1933-34. I 1941 ga Hjeltneslaget ut eit jubileumsskrift til 40 års jubileet. I dette skriftet var det trykt dikt av Olav H. Hauge. Etter dette ga Hjeltneslaget ut skrift kvart tiande år til 1991 med dikt av Olav H. Hauge. Nokre av dikta som kom i Hjeltensskriftet var ikkje trykt andre plassar og i Dag og Tid 15-21 august 2008 har Jan Erik Vold ein artikkel med omtale av dikta som kom i Hjeltnesskriftet.   I 2001 var Hjeltnes gartnarskule 100 år og  eit jubileumsskrift kom ut med fleire artiklar som omtala Olav H. Hauge. Andre enn dei som har tilgang til Hjeltnesskrifta kan ha interesse av å sjå dei dikta som vart trykt  og kopiar er no tilgjengelege her

Hjeltnesskriftet 1941 Her er dikta: Sumarmorgon i Ulvik og Då smed-Ola sprøitte aplane

Hjeltnesskriftet 1951 Her er dikta: Gartnaren millom skyttargraver og Sniglen

Hjeltnesskriftet 1961 Her er dikta: Kveld i oktober ( I samlinga På ørnetuva er dette diktet med men er kalla Kveld i november) og Me legg bekken i røyr 

Hjeltnesskriftet 1971 Her er dikta: Eg ser på ein gamal spegel og Eg hogg ned den store apalen utfor glaset

Hjeltnesskriftet 1981 Her er diktet: Eit tre i brand

Hjeltnesskriftet 1991 Her er diktet: Almen i Todleivstunet

«I desse dagar sender styret i Venelaget Olav H. Hauge ut eit nytt medlemshefte. Dei som enno ikkje er medlemer i laget, er sjølvsagt velkomne til å melda seg inn. Medlemene får to hefte for året med ulikt tilfang som har tilknyting til forfattarskapen til Olav H. Hauge. I tillegg vankar det gode rabattar ved ymse arrangement, til dømes Poesifestivalen i Ulvik annakvart år, på Litteraturhuset i Bergen eller Bergen Offentlige Bibliotek. I desse joletider kan medlemskap i Venelaget til og med vera ei høveleg jolegåve. Det viktigaste er at du som medlem i Venelaget støttar arbeidet med å halda diktinga til Olav H. Hauge kjend og levande. Medlemskap kostar 250 kroner for året.

Innbetalinga gjer du til: 3450.30.01960
Venelaget Olav H. Hauge, v/ kasserar Anders Kr. Oppheim, 5730 Ulvik.
Hugs å merka med namn, adresse og e-post!

Du kan  senda melding om medlemskap på e-post til styreleiar Olav Ljones, ola-lj@online.no eller Magne Velure, magne.velure@broadpark.no.

Velkomen som medlem i Venelaget Olav H. Hauge!»

Venelagsheftet for desember 2016 er no lagt ut under Venelagshefte her på nettstaden. Laget treng betalande medlemmer så vi oppmodar å melde seg inn sjølv om heftet kan lesast elektronisk her